Të mërkurën, në Kosovë pritet të mbajë mot jo-stabil, me intervale kohore me diell të ndërthurura me vranësira. Këto vranësira pritet të zhvillohen gjatë ditës, duke gjeneruar rrebeshe lokale shiu të shoqëruara me vetëtima dhe bubullimë.
Reshjet nuk do të përfshijnë tërë territorin e vendit, por në disa zona të veçanta mund të ketë rrebeshe intensive. Krahas reshjeve, parashikohet edhe frymë e erërave që herë pas here mund të jenë të fuqishme. Temperaturat maksimale ditore pritet të arrijnë deri në 22 apo 23 gradë Celsius.
Në rajon, përkatësisht në Shqipëri, Maqedoninë e Veriut, Luginën e Preshevës dhe Malin e Zi, moti do të jetë i ngjashëm — me vranësira dhe intervale kohore me diell. Në Shqipëri dhe në pjesën perëndimore të Maqedonisë së Veriut parashikohen rrebeshe të pakta shiu, ndërsa në viset tjera ekziston mundësia për zhvillim të rrebesheve më të fuqishme lokale, gjithashtu të shoqëruara me vetëtima dhe bubullimë.
Meteorologët apelojnë për kujdes të shtuar, sidomos në zonat ku mund të ketë reshje më intensive dhe erëra të forta.
