Të shtunën në Kosovë pritet të mbajë mot kryesisht me diell dhe i qëndrueshëm në të gjithë territorin. Pas një mëngjesi mjaft të freskët, gjatë ditës temperaturat do të shënojnë rritje të ndjeshme, duke sjellë kushte të këndshme pranverore.
Moti do të karakterizohet nga qiell kryesisht i kthjellët dhe intervale të gjata me diell, pa reshje atmosferike.
Temperaturat minimale pritet të zbresin deri në 5°C, ndërsa ato maksimale do të arrijnë deri në 27°C. Kushtet do të jenë ideale për aktivitete në natyrë dhe fundjavë të qetë në të gjithë vendin.
