E shtuna në Kosovë pritet të karakterizohet me mot me diell dhe shumë të nxehtë, ndërsa gjatë ditës do të ketë edhe vranësira lokale.
Gjatë orëve të pasdites, këto vranësira mund të zhvillohen dhe lokalisht të kushtëzojnë rrebeshe të izoluara shiu, vetëtima dhe bubullimë, kryesisht në disa zona kodrinore-malore.
Megjithatë, zhvillimet atmosferike pritet të jenë të kufizuara dhe nuk do të përfshijnë tërë territorin. Në përgjithësi, vapa intensive dhe thatësia ekstreme do të vazhdojnë të karakterizojnë motin në vend.
Temperaturat do të luhaten nga 18°C në mëngjes deri në 38°C gjatë ditës.
Kujdes i shtuar rekomandohet gjatë orëve të mesditës dhe pasdites për shkak të temperaturave shumë të larta.
