Qendra Kombëtare për Menaxhim Kufitar ka përditësuar të dhënat mbi gjendjen në pikat e kalimit kufitar, ku pritjet më të gjata vazhdojnë të regjistrohen në Dheu i Bardhë dhe Hani i Elezit.
Sipas të dhënave të përditësuara më 2 gusht 2026, në orën 14:00, situata paraqitet si vijon:
- Dheu i Bardhë – pritje deri në 40 minuta për hyrje dhe 15 minuta për dalje. Kolonat arrijnë deri në 300 metra në hyrje dhe 50 metra në dalje.
- Hani i Elezit – pritje 25 minuta në hyrje dhe 10 minuta në dalje, me kolona deri në 250 metra.
- Merdarë – pritjet në hyrje janë 15 deri në 20 minuta, ndërsa në dalje 3 deri në 5 minuta.
- Muçibabë – pritje rreth 15 minuta në hyrje dhe 5 minuta në dalje, me kolonë prej 100 metrash.
- Jarinje – pritjet variojnë nga 10 deri në 15 minuta në hyrje, ndërsa dalja realizohet për 3 deri në 5 minuta.
Në pikat e tjera kufitare, përfshirë Bërnjakun, Kullën, Vërmicën, Qafën e Morinës, Qafën e Prushit, Glloboqicën, Mutivodën dhe Stançiqin, qarkullimi zhvillohet pa vonesa të konsiderueshme, me pritje që variojnë nga 2 deri në 5 minuta.
Për kamionët, në të gjitha pikat kufitare pritjet janë minimale, nga 3 deri në 5 minuta, pa kolona të raportuara.
Autoritetet u bëjnë thirrje qytetarëve që, para nisjes së udhëtimit, të informohen për gjendjen në pikat kufitare, pasi fluksi mund të ndryshojë gjatë ditës, veçanërisht gjatë sezonit veror.
