Qendra Kombëtare për Menaxhim Kufitar ka publikuar gjendjen e fundit në pikat e kalimit kufitar, ku mëngjesin e sotëm nuk raportohet për kolona automjetesh, ndërsa pritjet mbeten të shkurtra në shumicën e pikave.
Pika kufitare me pritjet më të gjata është Vërmica, ku qytetarët presin 10–15 minuta në hyrje dhe 15–20 minuta në dalje.
Në Dheun e Bardhë pritja në hyrje është rreth 10 minuta, ndërsa në dalje 3–5 minuta.
Në pikat Bërnjak, Jarinjë dhe Merdarë, pritjet në hyrje janë 5–10 minuta, ndërsa dalja realizohet për 3–5 minuta.
Në Hanin e Elezit dhe Muçibabë, pritja është rreth 5 minuta si në hyrje ashtu edhe në dalje.
Ndërkohë, në Kullë, Glloboqicë, Mutivodë dhe Stançiq, kalimi zgjat vetëm 3–5 minuta.
Kalimi më i shpejtë vazhdon të jetë në Qafën e Morinës dhe Qafën e Prushit, ku pritjet janë vetëm 1–2 minuta në të dy drejtimet.
Sipas të dhënave zyrtare, në asnjërën nga pikat kufitare nuk ka kolona automjetesh apo kamionësh, ndërsa qarkullimi po zhvillohet normalisht.
Autoritetet u rekomandojnë udhëtarëve që, para nisjes, të informohen për gjendjen më të fundit në pikat kufitare, pasi fluksi mund të ndryshojë gjatë ditës.
