Komandanti i Forcës së Sigurisë së Kosovës (FSK), gjenerallejtënant Bashkim Jashari, ka pritur në takim pjesëtarët e FSK-së që përfaqësuan Kosovën në garën “Ushtari më i mirë”, të zhvilluar në shtetin e Ajovës, në SHBA.
Pjesëtarët e FSK-së arritën rezultat të lartë në këtë garë, duke u renditur në vendin e dytë, ku dëshmuan nivel të lartë të përgatitjes profesionale, fizike dhe ushtarake.
Me këtë rast, gjenerallejtënant Jashari i dekoroi pjesëtarët me medalje, në shenjë vlerësimi për përkushtimin, profesionalizmin dhe suksesin e treguar gjatë garës.
FSK-ja ka vlerësuar se ky sukses përbën një vlerë të shtuar për institucionin dhe dëshmi të përgatitjes së vazhdueshme të pjesëtarëve të saj sipas standardeve të larta ushtarake.
