Një ngjarje tragjike ka ndodhur sot në fshatin Nabërgjan të Pejës, ku një grua është gjetur pa shenja jete në garazhin e shtëpisë së saj. Burimet e IndeksOnline bëjnë me dije se viktima është identifikuar si H. Lajqi, rreth moshës 70 vjeçare.
Policia ka konfirmuar rastin, ku zëdhënësi i Policisë për rajonin e Pejës, Fadil Gashi, njoftoi se trupi i pajetë i gruas u gjet në një objekt përcjellës të shtëpisë, konkretisht në garazh. “Një grua është gjetur pa shenja jete në Nabërgjan. Trupi i saj është gjetur në garazhin e shtëpisë. Hetuesit policorë dhe ekipet emergjente kanë shkuar në vendin e ngjarjes”, u shpreh Gashi.
Aktualisht, policia po heton shkakun e vdekjes, ndërsa dyshohet se viktima mund të ketë kryer vetëvrasje. Prokurori i Shtetit është duke mbikëqyrur hetimet në lidhje me këtë ngjarje.
