Kryetarja e Kuvendi i Kosovës, Albulena Haxhiu, ka deklaruar se Bashkimi Evropian pritet t’i heqë sot masat ndëshkuese ndaj Kosovës.
Pas mbledhjes së Kryesisë së Kuvendit, Haxhiu tha se sipas informacioneve që posedojnë, vendimi do të merret gjatë ditës së sotme.
“Informacionet tona janë se sot do të vendoset në këtë drejtim. Si kryetare e Kuvendit e përshëndes heqjen e masave të padrejta, ndonëse me vonesë”, u shpreh ajo.
Masat e vendosura në vitin 2023
Bashkimi Evropian vendosi masa ndëshkuese ndaj Kosovës në qershor të vitit 2023, si reagim ndaj tensioneve në veri të vendit, zonë e banuar me shumicë serbe.
Masat pasuan situatën e krijuar pasi kryetarët shqiptarë të katër komunave veriore morën mandatin, çka nxiti përplasje dhe rritje të tensioneve në terren.
Heqja e masave do të shënonte një zhvillim të rëndësishëm në raportet mes Kosovës dhe Bashkimit Evropian.
