Sekretari amerikan i Mbrojtjes Pete Hegseth ka deklaruar se Shtetet e Bashkuara të Amerikës kanë arritur fitore në konfliktin me Iran, por njëkohësisht ka paralajmëruar për vazhdim të operacioneve ushtarake dhe mundësi për sulme të reja.
Në një konferencë për shtyp në Pentagon, Hegseth mbajti një qëndrim të dyfishtë: nga njëra anë theksoi se lufta nuk është një konflikt i pafund si Vietnami apo Iraku, por nga ana tjetër u shpreh se SHBA ka “gjithë kohën e botës” për të arritur objektivat e saj.
Ndërkohë, administrata e Donald Trump vazhdon të rrisë praninë ushtarake në rajon. Një aeroplanmbajtëse e tretë është dërguar në Gjirin Persik, së bashku me mijëra marinsa, duke sinjalizuar se përgatitjet për një konflikt të zgjatur janë reale.
Një nga pikat më të tensionuara mbetet bllokada e Ngushticës së Hormuzit, një rrugë jetike për transportin global të naftës. Edhe pse SHBA pretendon se rruga është e hapur, trafiku tregtar mbetet i kufizuar dhe çmimet e energjisë vazhdojnë të rriten.
Hegseth kritikoi gjithashtu aleatët e NATO për mungesë mbështetjeje, duke paralajmëruar se vendet që nuk kontribuojnë mund të përballen me pasoja.
Situata mbetet kontradiktore: një luftë që shpallet e fituar, por që në realitet po zgjerohet. Dhe kjo është ajo pjesa e rrezikshme — kur politika thotë “mbaruam”, por ushtria thotë “sap o fillon”.
