Avdullah Hoti, ka bërë thirrje për mobilizim qytetar në zgjedhjet e 7 qershorit, duke akuzuar pushtetin aktual për tendencë të “uzurpimit të shtetit”.
Në një reagim publik, Hoti theksoi se vendi po shkon sërish në zgjedhje për shkak të, siç e quajti ai, një qasje autokratike në qeverisje.
Ai u shpreh se qytetarët duhet të bashkohen për ta refuzuar këtë drejtim dhe për të mbrojtur shtetin e Kosovës.
“Shteti është shtet, nuk nëpërkëmbet, nuk abuzohet me të,” deklaroi Hoti, duke e vendosur theksin te nevoja për unitet politik dhe qytetar.
Mesazhi i tij është i qartë: kjo nuk është thjesht një garë politike – është, sipas tij, një përballje për vetë drejtimin e shtetit.
