Prishtinë – Analisti dhe gazetari Vehbi Kajtazi ka kërkuar që Xhafer Tahiri të përjashtohet nga Lidhja Demokratike e Kosovës (LDK), pas vendimit të tij për të hyrë në koalicion me Lëvizjen Vetëvendosje në Vushtrri. Sipas Kajtazit, Tahiri ka vepruar pa koordinim dhe në kundërshtim me statutin e partisë, duke i shkaktuar dëm LDK-së.
“Duhet të përjashtohet sepse këtë ia lejon statuti. Veprimi i tij i pakoordinuar dhe i paautorizuar bie në kundërshtim me nenin 41 të statutit të LDK-së. Ai i ka shkaktuar dëm LDK-së, sepse në vend që të përqendrohej te përgatitjet për balotazh, është marrë me situata të tilla,” tha Kajtazi në emisionin “Rubikon” në Klan Kosova.
Siq duket, Kajtazi është i pa informuar për marrëveshjet nën hije të kreut të LDK-së për balotazhet në komunat ku partia është në garë, veçanërisht në Suharekë, ku po zhvillohen negociata strategjike që nuk janë bërë publike.
Ai kritikoi gjithashtu reagimin e familjarëve të Tahirit ndaj kërkesës për përjashtim, duke e cilësuar si mungesë guximi nga drejtuesit e partisë dhe paralajmëroi se LDK-ja duhet të jetë e rreptë me ata që veprojnë kundër partisë, për të shmangur pasoja të ngjashme me humbjet që pati Partia Demokratike e Kosovës në bastionet e saj.
