Irani ka bërë një lëvizje të rëndësishme diplomatike duke pranuar të hyjë në negociata me Shtetet e Bashkuara të Amerikës, edhe pa kushtin fillestar për heqjen e menjëhershme të bllokadës detare.
Sipas burimeve ndërkombëtare, Teherani ka propozuar që në tryezën e bisedimeve të diskutohen paralelisht dy çështje kyçe: hapja e Ngushtica e Hormuzit dhe siguria rajonale, ndërsa kërkon garanci nga SHBA për ndalimin e sulmeve dhe lehtësimin e presionit ndaj porteve iraniane.
Një tjetër element i rëndësishëm është gatishmëria e Iranit për të diskutuar programin e tij bërthamor, por me kusht që në këmbim të hiqen sanksionet amerikane.
Nga ana tjetër, presidenti Donald Trump është shprehur skeptik:
“Ata duan marrëveshje, por nuk jam i kënaqur. Do të shohim çfarë do të ndodhë.”
Irani ka propozuar që bisedimet të zhvillohen në Pakistan në fillim të javës së ardhshme, ndërsa ndërmjetës në këtë proces po shërbejnë vende si Pakistani, Katari, Egjipti dhe Turqia.
Këto zhvillime vijnë pas javësh tensioni të lartë, ku Irani ka kufizuar kalimin në Hormuz – një rrugë jetike për rreth 20% të furnizimit global me naftë – ndërsa SHBA ka vendosur bllokadë ndaj porteve iraniane.
Megjithëse palët mbeten larg një marrëveshjeje përfundimtare, sinjalet e fundit tregojnë se një dritare për zgjidhje diplomatike ende ekziston.
