Sulmet ajrore të Izraelit ndaj objektivave të Hezbollahut po përgatitin terrenin për një mundshme invazion tokësor në Liban, ka thënë shefi i ushtrisë izraelite.
Gjenerali Herzi Halevi ka deklaruar se sulmet izraelite ndaj Hezbollahut, të njohura si “Operacioni Shigjetat Veriore”, mund të pasohen nga “hyrja” e trupave në Liban.
“Dëgjoni avionët mbi ju; kemi sulmuar gjatë gjithë ditës. Kjo është si për të përgatitur terrenin për një hyrje të mundshme, ashtu edhe për të vazhduar degradimin e Hezbollahut,” tha gjenerali Halevi.
Ai shtoi se qëllimi i ushtrisë është të lehtësojë kthimin e izraelitëve të zhvendosur në shtëpitë e tyre në Liban.
“Për ta arritur këtë, ne po përgatitim një proces manovre, që do të thotë se çizmet tuaja ushtarake do të hyjnë në territorin e armikut, në fshatra që Hezbollah ka përgatitur si poste të mëdha ushtarake,” vazhdoi shefi i ushtrisë.
Komentet e gjeneralit Halevi erdhën pas aktivizimit të trupave rezervë nga ushtria izraelite për t’i dërguar në frontin verior.
Forcat e Mbrojtjes të Izraelit thanë se do të thërrisnin dy brigada rezervë – që mund të përbëhen nga 6,000 deri në 10,000 trupa – për “misione operative” në veri.
“Kjo do të mundësojë vazhdimin e luftës kundër organizatës terroriste Hezbollah,” tha IDF, pa dhënë më shumë detaje.
Një invazion tokësor në Liban do të kërkonte një forcë më të madhe. Megjithatë, analistët kanë paralajmëruar se kjo është një shenjë që Izraeli mund të jetë duke planifikuar një ofensivë tokësore pas bombardimeve të mëdha të fortifikimeve të Hezbollahut gjatë kësaj jave.
Rreth 600 njerëz janë vrarë, gati dy mijë janë plagosur dhe dhjetëra mijëra janë detyruar të braktisin shtëpitë e tyre pasi Izraeli filloi kampanjën e tij të hënën, thanë zyrtarët libanezë.
Avionët luftarakë izraelitë goditën fshatra në jug të Libanit për herë të tretë radhazi të mërkurën, ndërsa Hezbollah lëshoi një sulm me raketë balistike afër Tel Avivit.
Kjo ishte “hera e parë ndonjëherë”, tha ushtria izraelite, që një raketë e lëshuar nga grupi arriti në qytetin e saj të dytë më të madh para se të kapej.
Liderët botërorë i bënë thirrje Izraelit dhe Hezbollahut për të treguar vetëpërmbajtje, ndërsa u bë e ditur se SHBA dhe Franca po punonin për një marrëveshje për të siguruar një armëpushim në Liban, si dhe në Gaza.
Duke folur të mërkurën, Joe Biden tha se një “luftë e plotë [në Lindjen e Mesme] është e mundshme” përpara se të thoshte se puna ishte në vazhdim për të siguruar një armëpushim në rajon.
“Çfarë mendoj është se mundësia është ende në lojë për të pasur një zgjidhje që mund të ndryshojë thelbësisht tërë rajonin,” i tha presidenti amerikan ABC-së.
