KEDS ka njoftuar se të shtunën, më 7 mars 2026, do të realizohen punime të domosdoshme për mirëmbajtjen dhe sigurinë e sistemit energjetik në disa rajone të Kosovës. Si pasojë, në disa lokalitete do të ketë ndërprerje të përkohshme të furnizimit me energji elektrike.
Sipas njoftimit, ndërprerjet do të prekin rajonet e Prishtinës, Pejës dhe Ferizajt, ndërsa ato do të ndodhin në orare të ndryshme gjatë ditës.
Prishtinë
Në rajonin e Prishtinës, nga nënstacioni Prishtina 7 do të ndërpritet furnizimi në daljen 20 kV J17 Veterniku 1 nga ora 10:00 deri në 10:15 dhe nga 13:45 deri në 14:00.
Ndërprerja do të prekë zona si:
-
rr. Rexhep Krasniqi
-
Lagjja e Spitalit te BMW
-
rr. Behar Begolli
-
rr. Shkupi
-
rr. Richard Holbrooke
-
zona e stadiumit në Veternik dhe disa biznese përreth.
Po ashtu, nga ora 10:00 deri në 14:00 do të ndërpriten edhe disa trafostacione në zonën e Lagjes së Spitalit dhe rrugës Behar Begolli, për shkak të punimeve sipas pëlqimit elektro-energjetik.
Pejë (Istog)
Në rajonin e Pejës, përkatësisht në Istog, nga nënstacioni 110/10 kV Istogu do të ndërpritet dalja Istogu 2 nga 08:30 deri në 11:30.
Ndërprerja do të përfshijë:
-
rrugët: 12 Prilli, 2 Korriku, 20 Qershori, Fehmi Agani, Gazmend Zajmi, Hysni Zajmi, Lidhja e Prizrenit, Skënderbeu, Shaban Mahaj dhe disa të tjera;
-
fshatrat: Dragolevc, Dragolevc i Epërm, Dubravë, Dushkajë, Istog dhe Istog i Vogël.
Po në të njëjtin orar do të ndërpritet edhe dalja Pompat, duke prekur pompat e ujit dhe separacionet Graniti dhe Loshi.
Ferizaj
Në rajonin e Ferizajt janë paralajmëruar disa ndërprerje:
-
09:30 – 10:30: Shtime, Lagjja e Pajtimit dhe Godanci i Ulët.
-
11:00 – 12:00: Dobratin, Gushtericë e Poshtme, Livagjë, Sllovi, Smallushë, Çollapek, Gllavicë dhe Marevc.
-
09:00 – 18:00: zona e Ferizajt, Talinovci i Jerlive, Muhovci, Prelezi i Jerlive dhe i Muhaxherëve si dhe disa biznese private.
Sipas KEDS-it, ndërprerjet do të bëhen për arsye sigurie në sistem dhe për zëvendësimin e pajisjeve elektrike të dëmtuara, përfshirë transformatorët matës dhe grupet matëse të djegura.
Kompania u bën thirrje qytetarëve për mirëkuptim gjatë kohës së realizimit të këtyre punimeve, të cilat synojnë rritjen e sigurisë dhe stabilitetit të furnizimit me energji elektrike.
