Kompania për Distribuimin e Energjisë Elektrike në Kosovë (KEDS) ka njoftuar se të martën, më 25 gusht 2026, do të kryhen punime të planifikuara për mirëmbajtjen dhe sigurinë e sistemit energjetik.
Si pasojë e këtyre punimeve, në disa zona të Kosovës do të ketë ndërprerje të përkohshme të furnizimit me energji elektrike.
Sipas njoftimit të KEDS-it, punimet do të zhvillohen në rajonet e Prishtinës, Pejës, Prizrenit, Mitrovicës dhe Gjilanit.
Prishtinë
Selac – nga ora 10:00 deri në 15:30 do të ndërpritet furnizimi për NS Selaci 1, 2 dhe 3.
Vushtrri – nga ora 11:00 deri në 15:00 do të ketë ndërprerje në zonat Kalaja, Shtëpia e Mallrave, PTK, Sami Ferizi te Çerdhja, Isuf Xhegrova dhe TSM nr. 3, si dhe në pjesë të rrugëve Isa Boletini, Bulevardi Adem Jashari, Marin Barleti dhe Basri Beqiri.
Palaj dhe rrethina – nga ora 10:00 deri në 15:30 do të ketë ndërprerje në Mullirin e Palajt, Hade-Minierë, Hade, Hamidi, Lajthishtë, Kulla Sibovc, Sibovc, Shipitullë, Grabovc, Bivolak, Plemetin-Xhemnicë dhe zona të tjera përreth.
Albanë e Madhe – nga ora 10:30 deri në 15:30 do të ndërpritet furnizimi në një pjesë të Albanës së Madhe, për shkak të punimeve në kuadër të projektit për TS Albanë e Madhe – Shtëpia e Kulturës.
Pejë
Nga ora 10:00 deri në 15:30 do të ketë ndërprerje në disa pjesë të qytetit dhe fshatrave përreth.
Ndër zonat e prekura janë rrugët Fadil Nimani, Fatos Ademaj, Gani Daci, Ramë Geci, Selmon Lajqi, Tranzit dhe Zhuj Selmani, si dhe Bllagaj, Katundi i Ri, Llabjan, Lluga e Drinit, Nabërgjan, Nakëll, Qungur, Qyshk, Treboviq, Vitomiricë dhe Zahaq.
Punimet lidhen me mirëmbajtjen preventive dhe eliminimin e defekteve të identifikuara gjatë inspektimit me dron.
Prizren
Nga ora 10:00 deri në 15:30 do të ndërpritet furnizimi në kuadër të punimeve në linjën 35 kV Zhur–Dragash–Dikancë.
Ndërprerja do të prekë një numër të madh lokalitetesh, përfshirë Glloboçicën, Krushevën, Kukjanin, Lubovishtën, Mlikën, Orqushën, Restelicën, Vranishtën, Zlipotokun, Brodin, Dikancën, Radeshin, Zhurin, Billushën, Hoçën e Qytetit, Jeshkovën, Leskovcin, Lubiqevën, Grazhdanikun, Kobajën, Nashecin, Poslishtën, Vlashnjën, Dobrushtën, Gorozhupin, Vërmicën dhe Planejën, ndër të tjera.
Arsyeja e ndërprerjes është pastrimi i trasesë.
Mitrovicë
Nga ora 10:00 deri në 15:30 do të ketë ndërprerje në kuadër të daljes Martiraj.
Pa energji do të mbeten rrugët Bahri Kuqi dhe një pjesë e rrugës Ismajl Qemajli, si dhe fshatrat Begaj, Gojbulë, Gumnishtë, Karaçë, Novosella e Begut, Shilovicë, Skroma, Studime, Studime e Ulët dhe Studime e Epërme.
KEDS ka bërë të ditur se punimet kanë të bëjnë me mirëmbajtjen preventive dhe eliminimin e defekteve të evidentuara nga inspektimi me dron.
Gjilan
Nga ora 10:00 deri në 15:30 do të ketë ndërprerje në daljen Slivova.
Furnizimi do të ndërpritet në Artanë-Llabjan, Artanë, Bostan, Brus, Dragoc, Kukavicë, Gelmivad, Izvor, Koznicë, Llabjan, Llajshevc, Manishnicë, Parallov, Prekovc, Vlasali dhe Zebinc.
Punimet përfshijnë mirëmbajtje preventive, pastrim të trasesë dhe eliminimin e defekteve të konstatuara gjatë inspektimit me dron.
KEDS u ka bërë thirrje konsumatorëve në zonat e prekura që ta kenë parasysh orarin e ndërprerjeve dhe të marrin masat e nevojshme gjatë kohës së punimeve.
