Magazina QendraQendra
  • Kreu
  • Lajme
  • Sport
  • Lifestyle
  • Shendeti
  • Fejton
  • Kulture
  • Ekonomia
  • Opinione
Home Sport

Kosova pëson humbje 3:0 nga Irlanda, por siguron qëndrimin në Ligën B të Kombeve

Qendra Info by Qendra Info
18/11/2026
in Sport
0
Kosova pëson humbje 3:0 nga Irlanda, por siguron qëndrimin në Ligën B të Kombeve
0
SHARES
5
VIEWS
Share on FacebookShare on Twitter

Përfaqësuesja e Kosovës në futboll e ka përmbyllur me humbje edicionin e pestë të Ligës së Kombeve, pasi të martën mbrëma u mposht 3:0 nga Irlanda në Dublin. Megjithatë, Dardanët kanë arritur ta ruajnë vendin në Ligën B edhe për edicionin e ardhshëm.

Ndeshja nisi mirë për Kosovën, e cila krijoi disa mundësi shënimi përmes Lindon Emërllahut dhe Vedat Muriqit. Megjithatë, rrjedha e takimit ndryshoi në minutën e 26-të, kur mbrojtësi Kreshnik Hajrizi ndali me dorë një top në vijën e portës.

Gjyqtari akordoi penallti për Irlandën dhe e përjashtoi Hajrizin me karton të kuq, duke e lënë Kosovën me dhjetë futbollistë.

Dy minuta më vonë, Troy Parrott realizoi nga pika e bardhë, duke kaluar vendasit në epërsi 1:0.

Pavarësisht përpjekjeve të Kosovës, Irlanda e ruajti avantazhin deri në përfundim të pjesës së parë.

Dy gola të tjerë në pjesën e dytë

Irlanda e nisi fuqishëm pjesën e dytë dhe në minutën e 50-të dyfishoi epërsinë.

Portieri i Kosovës, Arijanet Muriq, shkaktoi penallti, ndërsa Troy Parrott u tregua sërish i saktë nga pika e bardhë, duke shënuar golin e dytë personal.

Rezultatin përfundimtar 3:0 e vendosi Jack Moylan në minutën e 75-të, pas një goditjeje të saktë me kokë.

Kosova, e cila kishte mungesa të rëndësishme në përbërje, nuk arriti të rikthehej në lojë, duke e mbyllur me humbje ndeshjen e fundit të fazës së grupeve.

Kosova e treta në grup, Austria përfundon lidere

Pavarësisht humbjes, Kosova përfundoi në vendin e tretë të Grupit B3, me gjashtë pikë, duke siguruar qëndrimin në Ligën B.

Austria e fitoi grupin me 12 pikë, ndërsa Irlanda përfundoi e dyta me tetë pikë dhe do të luajë në plejof për ngjitje në Ligën A.

Izraeli mbeti në vendin e fundit me katër pikë, pasi barazoi 1:1 me Austrinë në ndeshjen e zhvilluar në Debrecen të Hungarisë.

Ky rezultat i mundësoi Kosovës ta ruajë pozitën e tretë dhe ta shmangë plejofin për mbijetesë në Ligën B.

Irlanda, ndërkohë, ka siguruar vendin në vazon e dytë për shortin e kualifikimeve të Kampionatit Evropian 2028, ndërsa Kosova do të jetë në vazon e tretë.

Shorti i kualifikimeve është paraparë të tërhiqet më 6 dhjetor.

Foda: Kartoni i kuq ndryshoi gjithçka

Pas ndeshjes, përzgjedhësi i Kosovës, Franco Foda, ka vlerësuar se përjashtimi i Kreshnik Hajrizit ishte momenti vendimtar që ndikoi në rezultatin përfundimtar.

Sipas tij, Kosova ishte skuadra më e mirë gjatë 20–25 minutave të para dhe kishte mundësi të kalonte në epërsi.

Foda theksoi se luajtja me një futbollist më pak e vështirësoi ndjeshëm përballjen, veçanërisht pas golit të dytë të Irlandës.

Ai tha se ndeshjet e këtij edicioni dëshmuan dallimin e nivelit konkurrues ndërmjet Ligës B dhe Ligës C.

Përzgjedhësi shtoi se për përmirësimin e rezultateve në të ardhmen është e rëndësishme që futbollistët e Kosovës të kenë më shumë minuta aktivizimi në klubet e tyre.

Pavarësisht përfundimit me humbje, Kosova e realizoi objektivin e qëndrimit në Ligën B, ndërsa vëmendja tashmë zhvendoset te kualifikimet për Euro 2028.

Related

Previous Post

KEDS njofton ndërprerje të energjisë elektrike

Next Post

Rutte dhe ministri britanik i Mbrojtjes mbështesin sulmin ukrainas ndaj urës së Krimesë: Ishte veprim i ligjshëm

Next Post
Shefi i NATO-s viziton Ukrainën: “Mbështetja jonë është e palëkundur”

Rutte dhe ministri britanik i Mbrojtjes mbështesin sulmin ukrainas ndaj urës së Krimesë: Ishte veprim i ligjshëm

Please login to join discussion
  • Kreu
  • Lajme
  • Sport
  • Lifestyle
  • Shendeti
  • Fejton
  • Kulturë
  • Ekonomia
  • Opinione

© 2026 JNews - Premium WordPress news & magazine theme by Jegtheme.

×
No Result
View All Result

Recent Searches

Lajme
Shendet
Sport
Kulture
Ekonomi
No Result
View All Result
  • Kreu
  • Lajme
  • Sport
  • Lifestyle
  • Shendeti
  • Fejton
  • Kulturë
  • Ekonomia
  • Opinione

© 2026 JNews - Premium WordPress news & magazine theme by Jegtheme.