Kuvendi i Republikës së Kosovës ka njoftuar zyrtarisht se të martën do të mbajë dy seanca të jashtëzakonshme, me çështje vendimtare për funksionimin e institucioneve të vendit.
Seanca e parë – ora 11:00: Votimi i buxhetit 2026 dhe marrëveshjeve ndërkombëtare
Nga ora 11:00, deputetët do të mblidhen për të shqyrtuar dhe votuar Projektbuxhetin e vitit 2026, si dhe disa marrëveshje të rëndësishme ndërkombëtare në fushën e financave, reformave dhe zhvillimit.
Rendi i plotë i kësaj seance përfshin:
-
Formimi i komisioneve parlamentare
-
Ratifikimi i Marrëveshjes Kosovë–BE për përkrahjen në kuadër të instrumentit për reforma dhe rritje
-
Ratifikimi i Marrëveshjes së Financimit për Programin e parë të politikave zhvillimore me Bankën Botërore
-
Ratifikimi i Marrëveshjes së Kredisë për “Instrumentin për Reforma dhe Rritje për Ballkanin Perëndimor”
-
Ratifikimi i Marrëveshjes së Kredisë për projektin “Kompas” – forcimi i sistemit shëndetësor
-
Ratifikimi i Marrëveshjes së Kredisë për projektin “Edukimi në fëmijërinë e hershme”
-
Shqyrtimi i parë i Projektligjit mbi ndarjet buxhetore për vitin 2026
-
Miratimi i buxheteve të komunave Prishtinë, Gjilan dhe Zubin Potok
-
Çështja e financimit të RTK-së
Seanca zhvillohet në Sallën e Seancave.
Seanca e dytë – ora 14:00: Zgjedhja e Qeverisë së re
Në orën 14:00, Kuvendi mban seancën e dytë të jashtëzakonshme, e cila i dedikohet votimit të Qeverisë së re të Republikës së Kosovës.
Ky votim është vendimtar për të parë nëse vendi do të dalë nga kriza institucionale dhe do të formojë ekzekutivin e ri.
