Sot në Kosovë pritet të mbajë mot tipik veror, me diell dhe temperatura të larta. Mëngjesi do të jetë i freskët në disa rajone, sidomos në viset malore dhe kontinentale, por gjatë ditës pritet një stabilitet i plotë atmosferik.
Vranësirat do të jenë të pakta dhe të shpërndara, ndërsa pjesa më e madhe e territorit do të dominohet nga kthjellime dhe rreze të forta dielli. Temperaturat minimale do të lëvizin rreth 12°C, ndërsa ato maksimale do të arrijnë deri në 33°C, veçanërisht në zonat qendrore dhe jugore të vendit.
Kushtet e motit janë të favorshme për aktivitete në natyrë, por qytetarëve u rekomandohet kujdes ndaj rrezeve UV gjatë orëve të mesditës.
