Rruga “Qamil Hoxha” në Prishtinë do të jetë e mbyllur përkohësisht për qarkullim nga 11 deri më 15 gusht 2026.
Sipas njoftimit të Komuna e Prishtinës, mbyllja bëhet për shkak të punimeve për gërryerjen dhe shtrimin e shtresës së re të asfaltit.
Gjatë kësaj periudhe, qytetarët dhe pjesëmarrësit në trafik këshillohen të përdorin rrugët alternative dhe të respektojnë sinjalizimin e vendosur në zonën e punimeve.
Punimet pritet të zgjasin deri më 15 gusht, ndërsa qarkullimi do të rikthehet pas përfundimit të tyre.
Komuna u ka bërë thirrje qytetarëve për mirëkuptim dhe kujdes gjatë qarkullimit në zonat përreth.
