Presidenti i Shqipërisë, Bajram Begaj, ka realizuar një takim me kreun e Bashkimit Demokratik për Integrim (BDI), Ali Ahmeti, gjatë qëndrimit të tij në Shkup. Ky takim u zhvillua si pjesë e një vizite transitorie pas kthimit të presidentit nga Sofja, ku mori pjesë në forumin “The Aqaba Process Balkans Forum III”.
Gjatë qëndrimit në Shkup, presidenti Begaj pati një takim edhe me kryetarin e Aleancës për Shqiptarët (ASH), Arben Taravari.
Ndërkohë, dy ditë më parë, më 3 prill, gjatë rrugës për në Sofje, presidenti Begaj pati mundësinë të takohet në Shkup me kreun e Lëvizjes Demokratike, Izet Mexhiti, njëherë edhe zëvendëskryeministër i parë, dhe me kryetarin e Kuvendit, Afrim Gashi.
