Presidentja e Republikës së Kosovës, Vjosa Osmani, gjatë vizitës së saj zyrtare në Sofje, ka zhvilluar një takim bilateral me Presidentin e Bullgarisë, Rumen Radev.
Gjatë këtij takimi, u diskutua forcimi i mëtejshëm i partneritetit ndërmjet dy shteteve, me theks të veçantë në bashkëpunimin në fushën e mbrojtjes. Presidentja Osmani theksoi rëndësinë e këtij partneriteti dhe falënderoi homologun bullgar për mbështetjen e vazhdueshme që Bullgaria i ka dhënë Kosovës në rrugëtimin e saj drejt integrimeve euro-atlantike.
“Bullgaria është partnere dhe aleate e vazhdueshme e Kosovës. Në takim bilateral me Presidentin Rumen Radev, diskutuam forcimin e partneritetit ndërmjet dy shteteve, në veçanti në fushën e mbrojtjes. E falënderova për mbështetjen e vazhdueshme të Bullgarisë për rrugëtimin tonë euro-atlantik”, ka shkruar Osmani në rrjetet sociale.
Vizita e Presidentes Osmani në Bullgari vjen në kuadër të përpjekjeve të vazhdueshme për thellimin e marrëdhënieve bilaterale dhe avancimin e agjendës euro-atlantike të Kosovës.
