Ministria e Industrisë, Ndërmarrësisë dhe Tregtisë ka publikuar çmimet maksimale të lejuara për derivatet e naftës për ditën e sotme.
Sipas njoftimit të ministrisë, çmimi tavan i naftës është caktuar në 1.52 euro për litër, ndërsa benzina do të tregtohet me çmim maksimal prej 1.39 euro për litër.
Ndërkaq, gazi (LPG) do të vazhdojë të shitet me çmim maksimal prej 0.68 euro për litër.
Çmimet e përcaktuara nga Ministria e Industrisë, Ndërmarrësisë dhe Tregtisë hyjnë në fuqi nga ora 10:00 dhe do të mbeten në fuqi deri në publikimin e vendimit të radhës, respektivisht deri nesër.
Krahasuar me ditën e kaluar, nafta ka shënuar rënie prej 2 centësh, ndërsa çmimet e benzinës dhe gazit mbeten pothuajse stabile.
