Ministria e Industrisë, Ndërmarrësisë, Tregtisë dhe Inovacionit ka publikuar çmimet maksimale të lejuara të derivateve të naftës për datën 18 prill 2026.
Sipas vendimit të ministrisë, çmimet e reja janë si vijon: nafta (dizel) do të shitet me 1.74 euro për litër, benzina me 1.42 euro për litër, ndërsa gazi me 0.88 euro për litër.
Këto çmime kanë hyrë në fuqi nga ora 10:00 dhe vlejnë në të gjithë territorin e Kosovës.
Ministria ka bërë të ditur se qytetarët që kanë ankesa lidhur me çmimet apo zbatimin e tyre mund të drejtohen përmes adresës elektronike zyrtare ose numrit të telefonit për mbrojtjen e konsumatorit.
Vendimi vjen në një kohë të luhatjeve të tregjeve globale të energjisë, duke synuar mbrojtjen e konsumatorëve dhe stabilizimin e tregut të brendshëm.
