Presidenti i Shteteve të Bashkuara, Donald Trump, ka deklaruar se Rusia dhe Ukraina kanë rënë dakord të ndërpresin reciprokisht sulmet ndaj objektivave energjetike.
Përmes një postimi në platformën Truth Social, Trump tha se Ukraina është pajtuar të mos sulmojë objektivat energjetike ruse, ndërsa Rusia, sipas tij, ka dhënë të njëjtin zotim.
“Ukraina ka rënë dakord të mos i arrijë objektivat e energjisë ruse. Rusia ka rënë dakord të bëjë të njëjtën gjë!”, ka shkruar Trump.
Presidenti amerikan e lidhi gjithashtu rritjen e çmimeve të naftës në tregjet ndërkombëtare me luftën mes Rusisë dhe Ukrainës, duke përjashtuar konfliktin me Iranin si faktor kryesor.
“Rritja e çmimit botëror të naftës është shkaktuar kryesisht nga lufta Rusi-Ukrainë, jo nga Irani”, ka deklaruar Trump.
Deklarata e tij vjen pasi presidenti amerikan i kishte bërë thirrje presidentit ukrainas Volodymyr Zelensky që të ndalonte sulmet ndaj infrastrukturës ruse të lidhur me prodhimin dhe furnizimin me naftë.
Trump ka pretenduar se sulmet ndaj këtyre objekteve po kontribuojnë në krijimin e mungesave të karburantit.
Nëse marrëveshja e pretenduar nga Trump zbatohet nga të dyja palët, ajo do të përbënte një kufizim të rëndësishëm të sulmeve ndaj infrastrukturës energjetike, e cila është goditur vazhdimisht gjatë luftës në Ukrainë.
