Politikan Zafir Berisha ka bërë të ditur largimin e tij nga Nisma Socialdemokrate, duke rikthyer aktivitetin e tij politik në subjektin lokal Bashkimi Demokratik në Prizren.
Lajmin e ka konfirmuar vetë Berisha përmes një postimi në rrjetin social Facebook, ku njofton ndarjen nga Nisma dhe angazhimin e ri politik.
“Të nderuar miq. Nga sot, aktivitetin tim politik së bashku me bashkëpunëtorë do ta rikthej në Bashkimin Demokratik në Prizren, ndërsa Nisma-s i dëshiroj suksese!”, shkruan ai.
Ky vendim shënon një tjetër lëvizje në skenën politike lokale në prag të përgatitjeve për zgjedhjet komunale të ardhshme, ndërsa nuk dihet ende nëse Berisha do të marrë rol udhëheqës në subjektin ku po rikthehet.
Zafir Berisha ka qenë më parë një nga figurat aktive të Nismës në rajonin e Prizrenit dhe ka mbajtur pozita të rëndësishme në administratën lokale.
