Kosova do të përjetojë një të premte me mot të ngrohtë dhe me diell, ndërsa vranësirat pritet të jenë të pakta dhe lokale.
Në orët e para të mëngjesit, do të mbajë mot i ftohtë, me mundësi për mjegull të lehtë dhe ngrica në disa zona, por gjatë ditës temperaturat do të rriten ndjeshëm për shkak të rrymimeve të ngrohta atmosferike nga jugu dhe rrezeve të diellit.
Sipas parashikimeve meteorologjike, temperaturat maksimale ditore do të arrijnë nga 20 deri në 21 gradë Celsius, duke sjellë kushte të pazakonta për fundin e tetorit.
Kjo ngrohje e përkohshme pritet të shoqërohet me erëra të lehta nga drejtimi i jugut dhe jugperëndimit, pa reshje atmosferike.
