Presidenti i Shteteve të Bashkuara, Donald Trump, pritet të zhvillojë një takim në Uashington me homologun e tij brazilian, Luiz Inácio Lula da Silva, gjatë kësaj jave, ndonëse takimi ende nuk është konfirmuar zyrtarisht.
Sipas burimeve diplomatike, përgatitjet janë në zhvillim e sipër dhe, nëse realizohet, ky do të jetë takimi i dytë mes dy liderëve pas atij të mbajtur vitin e kaluar në Malajzi.
Në qendër të diskutimeve pritet të jetë forcimi i bashkëpunimit ndërmjet Shtetet e Bashkuara të Amerikës dhe Brazili, veçanërisht në luftën kundër krimit të organizuar ndërkombëtar, një çështje që mbetet sfidë për të dy vendet.
Po ashtu, në agjendë pritet të përfshihen edhe burimet natyrore strategjike të Brazilit, veçanërisht “tokat e rralla” dhe metalet e çmuara, të cilat kanë rëndësi të madhe për industrinë globale të teknologjisë dhe mbrojtjes.
Uashingtoni ka shprehur interes në rritje për këto burime, ndërsa Brazili synon të ruajë kontrollin mbi nxjerrjen dhe përpunimin e tyre, duke e bërë këtë një temë të ndjeshme në marrëdhëniet dypalëshe.
