Analisti Blerim Latifi ka reaguar ndaj pjesëmarrjes së shqiptarëve nga Lugina e Preshevës në protestat kundër kryeministrit Edi Rama dhe një investimi amerikan në bregdetin shqiptar.
Sipas tij, shqiptarët e Luginës po përballen me diskriminim të vazhdueshëm nga Serbia, përmes pasivizimit të adresave dhe masave të tjera që, siç thotë ai, kanë cenuar rëndë të drejtat e tyre politike dhe qytetare.
“Shqiptari i Luginës së Preshevës rri gatitu para xhandarit serb. Nuk arrin të organizojë as një miniprotestë kundër spastrimit të heshtur etnik…”, ka shkruar Latifi.
Ai kritikon faktin se, sipas tij, një pjesë e tyre protestojnë në Tiranë kundër qeverisë shqiptare, ndërsa nuk reagojnë ndaj zhvillimeve në Luginë. Latifi shton se qeveria shqiptare, sipas tij, ka ngritur vazhdimisht çështjen e shqiptarëve të Preshevës në kanalet diplomatike perëndimore.
“Por ja që marrin turrin të shkojnë në Tiranë për të protestuar kundër Edi Ramës dhe një investimi amerikan në bregdetin shqiptar”, ka deklaruar ai, duke përfunduar se “ndërgjegjja njerëzore sikletoset nga paradokse të tilla”.
