Qendra Kombëtare për Menaxhim Kufitar ka publikuar përditësimin më të fundit mbi gjendjen në pikat kufitare të Kosovës, ku vërehet një rënie e fluksit në shumicën e vendkalimeve krahasuar me orët e pasdites.
Pritjet më të gjata vazhdojnë të regjistrohen në Bërnjak, ku qytetarët që hyjnë në Kosovë presin rreth 45 minuta, ndërsa është krijuar kolonë prej 500 metrash.
Në Jarinjë, pritjet në hyrje zgjasin 20 deri në 30 minuta, me kolonë prej rreth 200 metrash, ndërsa në dalje pritja është rreth 5 minuta.
Në pikën kufitare Dheu i Bardhë, situata është lehtësuar në hyrje, ku pritjet janë 5 deri në 10 minuta, por në dalje vazhdojnë të jenë rreth 30 minuta, me kolonë prej 200 metrash.
Edhe në Vërmicë ka fluks të moderuar, ku pritjet në hyrje janë 10 deri në 15 minuta, ndërsa kolona arrin në 70 deri në 80 metra.
Në pikat kufitare Hani i Elezit, Muçibabë, Merdarë, Kullë, Mutivodë, Qafë e Morinës, Qafë e Prushit, Glloboqicë dhe Stançiq, qarkullimi zhvillohet pa vonesa të konsiderueshme, me pritje që variojnë nga 2 deri në 10 minuta.
Sipas të dhënave të fundit, nuk ka pritje të theksuara për automjetet transportuese (kamionët) në asnjërën nga pikat kufitare.
Të dhënat janë përditësuar nga Qendra Kombëtare për Menaxhim Kufitar më 26 korrik 2026, në orën 21:14.