Lista e Kombëtares së Shqipërisë për ndeshjet e Ligës së Kombeve publikohet sot, më 19 shtator. Trajneri i kuqezinjve, Rolando Maran, do të dalë në konferencë për shtyp në orën 11:00, ku pritet të bëjë të ditur futbollistët e grumbulluar.
Fillimisht u raportua se trajneri Maran ka shpërndarë rreth 50 ftesa. Gjatë kësaj periudhe kanë qarkulluar emra të ndryshëm që mund të veshin fanellën kuqezi, ndërsa Kombëtarja do të zhvillojë katër ndeshje në këtë periudhë.
Një nga emrat e rinj pritet të jetë Samuele Sina, i cili aktivizohet te Union Brescia në Serinë C.
Në listë pritet të rikthehet edhe Etrit Berisha, i cili, nëse grumbullohet, do të rikthehej te Kombëtarja në moshën 37-vjeçare.
Një tjetër emër që pritet të jetë pjesë e kuqezinjve është Amar Gërxhaliu, i cili më herët është ftuar nga Kombëtarja e Kosovës, por nuk ka pasur mundësi të debutojë me “Dardanët”.
Risi pritet të jetë edhe Sabah Kerjota, i cili është pjesë e Hearts në Skoci.
Surpriza më e madhe mund të jetë Nelson Vaiper. Sulmuesi 21-vjeçar është aktualisht i huazuar nga Mainz te Sturm Graz në Austri dhe mund të marrë ftesën e parë për Kombëtaren.
Katër ndeshje në Ligën e Kombeve
Kombëtarja e Shqipërisë do ta nisë këtë seri ndeshjesh më 26 shtator, kur do të përballet me Bjellorusinë.
Më 29 shtator, kuqezinjtë do të luajnë ndaj San Marinos, ndërsa në tetor janë planifikuar edhe dy takime të tjera.
Më 3 tetor, Shqipëria do të luajë në transfertë ndaj Finlandës, ndërsa më 6 tetor do të përballet sërish me San Marinon, duke përmbyllur raundin e katërt të ndeshjeve.
