Poetja, eseistja dhe përkthyesja kanadeze Anne Carson është shpallur fituese e Çmimit Nobel në Letërsi për vitin 2026.
Akademia Suedeze e vlerësoi Carsonin për veprën e saj letrare, e cila ndërthur poezinë, prozën dhe elemente nga tradita klasike, duke krijuar forma të veçanta të letërsisë bashkëkohore.
Komiteti Nobel tha se Carson është nderuar “për veprën e saj të guximshme dhe shpikëse që, në dialog të gjallë me traditën klasike, ka krijuar forma të reja për letërsinë bashkëkohore”.
Carson, 76 vjeçe, është një nga zërat më të njohur të letërsisë bashkëkohore kanadeze. Veprat e saj karakterizohen nga ndërthurja e poezisë me esenë, përkthimin dhe elemente të letërsisë së lashtë greke.
Sekretarja e përhershme e Akademisë Suedeze, Ingrid Carlberg, tha se e kishte telefonuar Carsonin pak para njoftimit zyrtar për t’i komunikuar lajmin.
Sipas saj, poetja ndodhej në Islandë kur mori lajmin dhe reagoi me habi dhe gëzim.
Fituesja e Nobelit në Letërsi përfiton edhe çmimin financiar prej 12 milionë koronash suedeze, rreth 1.2 milionë dollarë.
