Ardian Gjini është zgjedhur kryetar i ri i Aleanca për Ardhmërinë e Kosovës gjatë Kuvendit Zgjedhor të mbajtur sot nga kjo parti.
Me këtë zgjedhje, AAK hap një kapitull të ri politik pas një periudhe të gjatë udhëheqjeje nga Ramush Haradinaj, i cili për më shumë se dy dekada ka qenë figura kryesore e subjektit.
Pas zgjedhjes, Gjini vlerësoi kontributin e strukturave dhe anëtarësisë së partisë, duke theksuar se forca e Aleancës është ndërtuar mbi besimin e ndërsjellë, bashkëpunimin dhe angazhimin e vazhdueshëm të anëtarëve.
Ai tha se AAK po hyn në një etapë të re politike, me synimin për të fuqizuar organizimin e brendshëm dhe për t’u përgatitur për sfidat e ardhshme politike në vend.
Sipas Gjinit, fokusi i periudhës së ardhshme do të jetë forcimi i strukturave partiake dhe vazhdimi i angazhimit politik të Aleancës në skenën politike të Kosovës.
