Policia e Kosovës ka arrestuar një person të dyshuar lidhur me një rast të gjuajtjes me armë zjarri që kishte ndodhur më 6 maj 2026 në Prishtinë.
Sipas njoftimit zyrtar të Policisë, arrestimi është realizuar nga Njësia për Reagim të Shpejt e Drejtorisë së Policisë së Kryeqytetit gjatë mbrëmjes së kaluar.
Gjatë veprimeve policore, autoritetet kanë gjetur dhe sekuestruar edhe armën që dyshohet se është përdorur në incident.
Ndaj të dyshuarit është iniciuar rast për veprat penale:
- “Përdorim i armës apo mjetit të rrezikshëm”
- “Mbajtje në pronësi, kontroll ose posedim të paautorizuar të armëve”
Në koordinim me Prokurorin e Shtetit, i dyshuari është intervistuar dhe më pas është dërguar në mbajtje për 48 orë.
Policia nuk ka bërë të ditur identitetin e personit të arrestuar dhe as motivet e ngjarjes, ndërsa hetimet lidhur me rastin janë duke vazhduar.
