Daut Haradinaj, ka reaguar ashpër pas zhvillimeve në mbledhjen e Këshillit të Sigurimit të OKB-së, ku për Kosovën foli zëvendëskryeministri dhe ministri i Jashtëm, Glauk Konjufca.
Përmes një postimi në Facebook, Haradinaj ka shprehur pakënaqësi me mënyrën se si, sipas tij, po paraqitet Kosova para ndërkombëtarëve, duke kërkuar që të thuhet e vërteta për luftën dhe gjakderdhjen gjatë luftës për liri.
“Një Kosovë e poshtëruar deri në këtë pikë kurrë s’e kam prit. Bota po na sheh çuditshëm, sikur na kemi vra e pre popuj, pa e thënë të vërtetën për luftën dhe gjakderdhjen tonë për liri”, ka shkruar Haradinaj.
Ai i është drejtuar drejtpërdrejt Konjufcës me fjalët “Marre, Glauk!”, ndërsa ka theksuar se nuk do të ndalet deri në zbardhjen e asaj që e quan të vërtetën e Kosovës.
“Kurrë s’kemi me u ndalë deri te e vërteta jonë, o të pafytyrë!”, ka shkruar Haradinaj.
Në fund të reagimit, ai i është drejtuar edhe Partisë Demokratike të Kosovës (PDK), duke e lënë të papërfunduar pyetjen: “PDK, a jeni kund…?”
