E diela në Kosovo pritet të karakterizohet me mot tërësisht stabil, me diell gjatë gjithë ditës dhe temperatura tipike të verës.
Gjatë gjithë ditës do të mbizotërojnë kthjellimet, pa reshje atmosferike, ndërsa orët e mesditës dhe të pasdites do të jenë më të nxehtat.
Për shkak të temperaturave të larta, rekomandohet kujdes i shtuar ndaj vapës, veçanërisht për të moshuarit, fëmijët dhe personat me sëmundje kronike. Këshillohet shmangia e ekspozimit të zgjatur në diell gjatë orëve të pikut dhe konsumimi i mjaftueshëm i lëngjeve.
Temperaturat do të lëvizin nga 16°C në orët e mëngjesit deri në 35°C gjatë ditës.
