E hëna në Kosovë pritet të karakterizohet me mot shumë të nxehtë dhe kryesisht me diell.
Gjatë pasdites, në veriperëndim të vendit pritet shtim dhe zhvillim i vranësirave. Këto zhvillime mund të kushtëzojnë rrebeshe lokale shiu, vetëtima dhe bubullimë, kryesisht në Malet e Rugovës dhe zonat përreth.
Ndonjë rrebesh i izoluar mund të paraqitet edhe në disa vise të tjera, por në përgjithësi reshjet do të jenë të karakterit lokal dhe nuk pritet të përfshijnë tërë territorin e Kosovës.
Temperaturat do të luhaten nga 14°C në mëngjes deri në 35°C gjatë ditës.
