Të martën në Kosovë pritet përmirësim i kushteve atmosferike, pas reshjeve të dendura të shiut. Moti do të karakterizohet nga intervale të gjata me diell dhe vranësira lokale, ndërsa vetëm në disa rajone mund të ketë reshje të dobëta ose rrebeshe të shkurtra shiu.
Temperaturat do të shënojnë rritje të ndjeshme, si pasojë e depërtimit të masave ajrore më të ngrohta nga jugu dhe perëndimi.
Përmirësim i motit pritet edhe në rajon, megjithëse në veri të Shqipërisë dhe në Mal të Zi lokalisht mund të ketë reshje të dobëta shiu.
Temperaturat minimale në Kosovë do të zbresin deri në 8°C, ndërsa maksimalet pritet të arrijnë deri në 15°C.

