E shtuna në Kosovë pritet të sjellë mot dukshëm më të freskët, me ndryshim të ndjeshëm të kushteve atmosferike pas ditëve të nxehta.
Gjatë ditës, vende-vende priten riga dhe rrebeshe lokale shiu, ndërsa në disa rajone reshjet mund të shoqërohen edhe me vetëtima dhe bubullimë.
Temperaturat do të shënojnë rënie të ndjeshme, me maksimalet që pritet të zbresin deri në 22–23°C.
Kjo nënkupton se temperaturat maksimale do të jenë të paktën 10 gradë më të ulëta krahasuar me ditët paraprake, duke sjellë një freskim të theksuar në të gjithë vendin.
Në përgjithësi, e shtuna do të shënojë kalimin nga vera e nxehtë në kushte dukshëm më të freskëta dhe më të paqëndrueshme.
