Ermal Sadiku ka reaguar përmes një postimi në rrjete sociale, duke thënë se ai dhe Janina Ymeri po përballen me sulme të orkestruara politikisht.
Ai pretendon se këto sulme lidhen me qëndrimet e tij kritike ndaj qeverisë dhe se, sipas tij, janë të nxitura nga figura politike.
“Përbesë, Xhevdet e Rron, unë s’ju kam armiq. As unë, as Janina nuk jemi problemi i Kosovës,” ka shkruar Sadiku.
Në reagimin e tij, Sadiku ka drejtuar kritika të ashpra ndaj qeverisjes aktuale, duke theksuar se problemet kryesore të vendit janë të natyrës ekonomike dhe institucionale.
Sipas tij, Kosova po përballet me:
- deficitin më të lartë tregtar në histori
- ngecjen e projekteve kapitale
- shpenzime të larta për import të energjisë elektrike
- izolim diplomatik
- dhe emigrim të vazhdueshëm të të rinjve
Ai ka theksuar se këto janë çështjet reale që duhet të trajtohen nga institucionet. “Problemi nuk jemi ne”
Sadiku ka mohuar se ai dhe bashkëpunëtorja e tij janë pjesë e problemeve të vendit, duke theksuar se debati publik po devijohet nga temat thelbësore.
“Shani e ofendoni sa të doni. Unë, ndërkohë, po mundohem me punu diçka për këtë vend,” ka deklaruar ai në fund të reagimit.
Postimi i tij ka ngjallur reagime të ndryshme në rrjete sociale, duke hapur sërish debat mbi diskursin politik dhe publik në vend.
