Tensionet në Lindjen e Mesme po arrijnë një tjetër nivel kritik, teksa Izraeli sinjalizon gatishmëri për një ofensivë të re të ashpër kundër Iranit.
Ministri i Mbrojtjes, Israel Katz, deklaroi se ushtria izraelite është e gatshme për veprime si në mbrojtje ashtu edhe në ofensivë, duke shtuar se vendi pret “dritën jeshile” nga Shtetet e Bashkuara të Amerikës për të ndërmarrë një sulm të gjerë.
Deklaratat e tij ishin të forta dhe pa filtra: ai paralajmëroi se objektivi do të ishte goditja e infrastrukturës energjetike dhe ekonomike të Iranit, duke e kthyer vendin “në Epokën e Gurit”.
Ndërkohë, presidenti amerikan Donald Trump ka shpallur një zgjatje të armëpushimit për të hapur rrugë për negociata, por pa ndonjë garanci reale për sukses.
Situata mbetet e tensionuar edhe në terren: lufta ka shkaktuar mijëra viktima, kryesisht në Iran dhe Liban, ndërsa përplasjet kanë përfshirë edhe aktorë të tjerë si grupi Hezbollah.
Në sfond, ekonomia globale po ndjen pasojat – nga tregjet e energjisë deri te transporti detar në Ngushtica e Hormuzit, një arterie jetike për furnizimin me naftë.
Mes gjithë kësaj, diplomacia duket e brishtë, ndërsa gjuha e luftës po bëhet gjithnjë e më e fortë. Dhe kur retorika arrin këtë nivel… zakonisht historia nuk shkon drejt qetësimit, por drejt përshkallëzimit.
