Kompania për Distribuimin e Energjisë Elektrike në Kosovë (KEDS) ka njoftuar se gjatë ditës së shtunë, më 23 maj 2026, do të realizohen punime për mirëmbajtje dhe investime në rrjetin energjetik, të cilat do të shkaktojnë ndërprerje të përkohshme të furnizimit me energji elektrike në disa rajone të vendit.
Sipas njoftimit, ndërprerjet do të ndodhin për shkak të punimeve për siguri të sistemit, projekteve investive dhe ndërhyrjeve nga palë të treta.
Në rajonin e Prishtinës, ndërprerjet më të gjera pritet të ndodhin nga ora 11:00 deri në 17:00, duke përfshirë zona si:
- Veterniku
- Hajvalia
- Muharrem Fejza
- Lagjja e Spitalit
- Zllatari
- Llapnasella
- Qagllavica
- Fshati Ndërkombëtar
- Marigona Hill
- Kodrina
- Albi Mall dhe zona përreth.
Po ashtu, në disa pjesë të qendrës së Prishtinës do të ketë ndërprerje nga ora 09:00 deri në 18:00, ku përfshihen:
- Bulevardi “Nënë Tereza”
- Dodona
- Dardania
- Parku i Qytetit
- Pallati i Rinisë
- Kuvendi
- zona qendrore të kryeqytetit.
Në Ferizaj, ndërprerjet janë planifikuar në disa lagje dhe fshatra, përfshirë:
- Vëllezërit Gërvalla
- Talinoc
- Bibaj
- Banullë
- Gllogovc
- Pojatë dhe zona të tjera përreth.
Ndërsa në Gjilan, ndërprerjet do të prekin zonën e Velekincës dhe disa pjesë të qytetit nga ora 10:00 deri në 13:00.
KEDS u ka bërë thirrje qytetarëve dhe bizneseve të planifikojnë aktivitetet e tyre sipas orarit të publikuar dhe ka theksuar se punimet synojnë rritjen e sigurisë dhe përmirësimin e rrjetit energjetik.
