Glauk Konjufca ka marrë pjesë në edicionin e sivjetmë të Antalya Diplomacy Forum, ku u zhvillua takimi i ministrave të jashtëm të vendeve të Ballkanit Perëndimor (WB6).
Takimi u organizua nga ministri i Punëve të Jashtme të Turqisë, Hakan Fidan, dhe u fokusua në forcimin e bashkëpunimit rajonal në një periudhë të karakterizuar nga zhvillime të shpejta gjeopolitike.
Gjatë diskutimeve, u ritheksua përkushtimi i Turqia për të mbështetur Ballkanin Perëndimor, duke qëndruar një partner i afërt në procese politike dhe zhvillimore.
Konjufca theksoi rëndësinë e koordinimit dhe bashkëpunimit ndërmjet vendeve të rajonit, duke nënvizuar se ndryshimet globale kanë ndikim të drejtpërdrejtë në stabilitetin dhe perspektivën e Ballkanit.
Takimi shërbeu gjithashtu si platformë për të diskutuar sfidat aktuale dhe për të harmonizuar qëndrimet përballë zhvillimeve ndërkombëtare që prekin rajonin dhe më gjerë.
