Ministria e Infrastrukturës dhe Transportit ka njoftuar se sot, nga ora 11:00 deri në 17:30, do të kufizohet qarkullimi i automjeteve për transportin e mallrave me masë totale mbi 20 tonë në autoudhët e Kosovës.
Sipas ministrisë, vendimi është marrë për shkak të temperaturave të larta, të cilat pritet të arrijnë 32°C ose më shumë, me qëllim mbrojtjen e infrastrukturës rrugore dhe rritjen e sigurisë në komunikacion.
Autoritetet kanë sqaruar se nuk do të ketë kufizime në rrugët nacionale, rajonale dhe lidhëse, ndërsa situata do të monitorohet vazhdimisht.
Ministria bëri të ditur se do të informojë qytetarët dhe operatorët e transportit për çdo ndryshim të mundshëm në varësi të kushteve atmosferike.
