Kryeministri i Kosovës, Albin Kurti, ka zhvilluar një takim me kryeministren e Danimarkës, Mette Frederiksen, në margjinat e Samitit të Komunitetit Politik Evropian (EPC).
Përmes një postimi në Facebook, Kurti bëri të ditur se gjatë takimit kanë diskutuar për marrëdhëniet ndërmjet Kosovës dhe Danimarkës, si dhe mundësitë për thellimin e mëtejmë të bashkëpunimit në disa fusha.
Sipas tij, në fokus të bisedës ishin bashkëpunimi në drejtësi, marrëdhëniet ekonomike dhe tregtare.
Kurti gjithashtu shprehu mirënjohje për mbështetjen e vazhdueshme të Danimarkës ndaj Kosovës, duke theksuar rëndësinë e avancimit të vendit në procesin e integrimeve euroatlantike.
