Ministria e Industrisë, Ndërmarrësisë, Tregtisë dhe Inovacionit ka publikuar çmimoren e re të derivateve, e cila vlen për ditën e sotme.
Sipas njoftimit të ministrisë, çmimi maksimal i lejuar i naftës është caktuar 1.36 euro për litër, që paraqet një ulje prej 1 centi krahasuar me ditën e djeshme.
Ndërkohë, benzina do të tregtohet me çmim maksimal prej 1.35 euro për litër, duke shënuar një rritje prej 1 centi.
Sa i përket gazit, çmimi maksimal i lejuar mbetet i pandryshuar, në 0.67 euro për litër, njësoj si një ditë më parë.
Çmimet e derivateve në Kosovo përditësohen rregullisht nga MINT, në bazë të lëvizjeve të tregut ndërkombëtar dhe faktorëve të furnizimit.
