Moti në Kosovë pritet të karakterizohet nga vranësira të dendura dhe reshje shiu gjatë orëve të para të mëngjesit.
Sipas parashikimeve meteorologjike, gjatë ditës reshjet do të pushojnë gradualisht, ndërsa vranësirat do të tërhiqen, duke krijuar intervale me diell në pasdite.
Temperaturat do të shënojnë ulje të ndjeshme, me vlerën maksimale që do të arrijë deri në 14 gradë Celsius.
Edhe në Shqipëri, Maqedoninë e Veriut, Luginën e Preshevës dhe Mal të Zi, gjatë natës parashikohen reshje të dendura shiu, si pasojë e kalimit të një sistemi frontal atmosferik.
Në disa zona, reshjet do të shoqërohen me rrebeshe të forta, vetëtima dhe bubullima.
Meteorologët njoftojnë se situata pritet të përmirësohet gradualisht në orët e mesditës së së martës, ndërsa fundjava parashihet të sjellë mot më stabil dhe temperatura pak më të larta.
