Të dielën në Kosovë pritet të mbajë mot i ngrohtë, me periudha të gjata me diell dhe vranësira lokale.
Gjatë orëve të pasdites, vranësirat pritet të zhvillohen në disa zona, duke krijuar kushte për rrebeshe të izoluara shiu, të shoqëruara me vetëtima dhe bubullimë. Reshjet do të jenë të karakterit lokal dhe nuk pritet të përfshijnë të gjithë territorin e vendit.
Temperaturat do të mbeten relativisht të larta për këtë periudhë, me vlerat minimale që pritet të zbresin deri në 11 gradë Celsius, ndërsa maksimalet do të arrijnë deri në 28 gradë Celsius.
Meteorologët rekomandojnë kujdes në zonat ku mund të zhvillohen rrebeshe të shkurtra, veçanërisht gjatë pasdites dhe mbrëmjes.
