Platforma sociale Facebook po përballet me probleme teknike këtë të diel në mëngjes, duke shkaktuar vështirësi për mijëra përdorues në vende të ndryshme.
Raportimet për ndërprerjen e shërbimit nisën rreth orës 09:30, ku shumë përdorues deklaruan se nuk arrinin të hynin në platformë ose të ngarkonin faqen kryesore.
Sipas të dhënave nga Downdetector, një numër i madh përdoruesish kanë raportuar probleme me aksesin në Facebook, ndërsa disa të tjerë kanë hasur vështirësi gjatë përdorimit të shërbimeve të platformës.
Deri tani nuk ka një njoftim zyrtar nga kompania Meta, e cila zotëron Facebook-un, lidhur me shkakun e ndërprerjes apo kohën kur shërbimi pritet të rikthehet plotësisht.
Problemet me platformat e mëdha sociale zakonisht lidhen me defekte teknike, mirëmbajtje të serverëve ose ngarkesa të papritura në sistem.
