Kryetari i Lidhjes Demokratike të Kosovës (LDK), Lumir Abdixhiku, ka zhvilluar një takim me qytetarë në rajonin e Podgurit, ku ka theksuar mbështetjen që, sipas tij, po rritet për këtë subjekt politik.
Në një deklaratë publike, Abdixhiku u shpreh se gjatë qëndrimit në këtë trevë ka ndjerë “fuqinë e besimit që po rritet gjithandej”, duke falënderuar qytetarët për pritjen dhe përkrahjen.
“Faleminderit për pritjen e ngrohtë, mbështetjen e madhe dhe energjinë e jashtëzakonshme”, ka shkruar ai.
Ai theksoi se takimet me qytetarë janë dëshmi e kontaktit të drejtpërdrejtë me terrenin dhe e dinamikës së mbështetjes që po, sipas tij, konsolidohet çdo ditë.
