E premtja në Kosovë pritet të karakterizohet me mot me diell dhe jashtëzakonisht të nxehtë, ndërsa gjatë ditës do të paraqiten edhe vranësira të pakta lokale.
Gjatë orëve të pasdites, në viset malore në juglindje të Kosovës mund të zhvillohen vranësira konvektive, të cilat lokalisht mund të kushtëzojnë ndonjë rrebesh të izoluar shiu, vetëtima dhe bubullimë.
Megjithatë, këto zhvillime pritet të jenë të kufizuara dhe nuk pritet të ndikojnë në pjesën më të madhe të territorit.
Temperaturat do të luhaten nga 18°C në mëngjes, ndërsa maksimalja pritet të arrijë 37°C, e lokalisht mund të shkojë deri në 38°C.
Vapa e fortë pritet të jetë veçanërisht e theksuar gjatë mesditës dhe pasdites, ndaj rekomandohet kujdes i shtuar gjatë qëndrimit në diell.
